Биткоинот се одалечува од рекордот додека ескалира дебатата за нов меур

Биткоинот го продолжи повлекувањето од својот најнов рекорд, среде интензивираната дебата за тоа дали биковската трка на криптовалутите е доказ за шпекулативен меур на глобалните пазари. Најголемото дигитално средство падна за дури 7,2 проценти во петокот и се продаваше за 67.725 долари. Ден претходно токенот постави свеж рекорд на сите времиња од речиси 73.798 долари.

Облозите за полабава монетарна политика на Федералните резерви помогнаа да се поттикне раст на глобалните акции, обврзниците и криптовалутите во изминатите неколку месеци, но инвеститорите ги преоценуваат таквите облози по доказите за постојан инфлациски притисок во САД.

Ќе има невољи?

Во интервју за телевизијата „Блумберг“, главниот инвестициски стратег на Банката на Америка, Мајкл Хартнет, рече дека пазарите покажуваат карактеристики на балон по рекордниот наплив на акциите на технолошкиот сектор односно таканаречените „седум величествени“ (Magnificent Seven) и рекордите на криптовалутите.

Коментарите во дебатата на Вол Стрит се околу прашањето дали пазарите се ранливи на евентуален пад.  Кога станува збор за биткоинот, поддржувачите укажуваат дека имало околу 12 милијарди долари нето-приливи во наменски фондови со кои се тргува во САД (биткоин ЕТФ-ови)од нивното деби на 11 јануари годинава како основна поддршка, како и на претстојното намалување на растот на понудата на токенот.

Силвија То, шеф на партнерства за токени и истражување на криптоберзата „Булиш“ (Bullish) укажа на ладењето на нето-приливот во ЕТФ-ови на приближно 133 милиони долари во четвртокот.

„Исцрпеноста на купувачите на пазарот може да биде катализатор за распродажбата на биткоинот“, рече таа.

Извештајот што покажува скок на цените на производителите во САД поттикна загриженост дека кампањата на ФЕД да ја стави инфлацијата под контрола е далеку од завршена.

Биткоинот ослабе

„Биткоинот беше поткован од порастот на американските приноси и американскиот долар што ги следеше жешките податоци за инфлацијата на цените на производителите“, напиша во белешка Тони Сајкамор, пазарен аналитичар во „ИГ Австралија“ (IG Australia Pty).

Сопнувањето на токенот дојде заедно со индикации за зголемена внимателност на пазарот на деривати.

Податоците на „Коинглас“ (Coinglass) покажуваат дека 668 милиони долари од „биковските“ криптооблози се ликвидирани во изминатите 24 часа - најмногу во изминативе две недели. Стапката на финансирање или трошоците за позициите на перпетуалните биткоин фјучерси, кои се популарни кај шпекулантите бидејќи немаат рок на истекивање паднаа, според бројките на „Криптоквант“ (CryptoQuant).

Блумберг

„Имавме бран долги ликвидации што придонесе за влошување на распродажбата“, рече Десислава Оберт, аналитичар во „Каико“ (Kaiko). „Гледајќи ја кумулативната делта за волуменот на бикоинот во изминатите 24 часа, продажниот притисок почна да се акумулира кон крајот на азиските часови на тргување на „Бајненс“ (Binance) и „Бајбит“ (Bybit) пред да се прошири на другите пазари“.

„Ние сè уште би ја квалификувале оваа пазарна активност како „консолидирање во опсегот на највисоко ниво на сите времиња“, рече Стефан Оулет, главен извршен директор на „ФРНТ Фајненшл“ (FRNT Financial). „Не е невообичаено во крипто да се види таква нестабилност околу главните точки на вртење“.

Во моментов нема коментари за веста. Биди прв да коментира...

Остави коментар