„Форд“ (Ford Motor Co) и „Контемпорари амперекс КАТЛ“ (Contemporary Amperex Technology Co. Ltd-CATL) планираат да изградат фабрика за батерии во Мичиген, информираат извори запознаени со ова прашање. Со тоа ќе се заврши повеќемесечната потрага по батерии, која остана заглавена во геополитичките тензии меѓу САД и Кина.
Објектот од повеќе милијарди долари, кој ќе се наоѓа на околу 100 милји западно од Детроит, се очекува да отвори околу 2.500 работни места, информираат изворите, кои побараа да не бидат идентификувани бидејќи плановите сè уште не се јавни. „Договорот би можел да биде објавен веќе следната недела“, велат тие.
„Форд“ продолжува со проектот и покрај неизвесноста околу тоа како американското министерство за финансии ќе ги толкува барањата во потпишаниот климатски пакет на претседателот Џо Бајден, Законот за намалување на инфлацијата. Законот е дизајниран да ги намали потрошувачките даночни кредити за електричните возила направени со одредено количество материјали поврзани со Кина во нивните батерии.
Прочитај повеќе
„Форд“ се збогува со најпродаваниот модел
По „Фиеста“, „Форд“ завршува со производство и на „Фокус“
04.02.2023
„Форд“ се враќа во Формула 1 од 2026 година
„Форд“ има богата историја во Ф1, освојувајќи 10 шампионати за конструктори и 13 шампионати за возачи.
03.02.2023
„Форд“ ја намали цената на електричниот „мустанг“ како одговор на „Тесла“
„Форд“ ја намалува цената на својот електричен „мустанг мач-Е“ во просек за 4.500 долари.
30.01.2023
„Рековме дека ги истражуваме батериите засновани на технологијата на КАТЛ (CATL) за возилата на 'Форд' и дека планираме да го локализираме производството во Северна Америка“, се вели во соопштението на „Форд“, испратено преку електронска пошта.
Компанијата не прецизира дали избрала локација или утврдила други детали за опсегот на проектот. КАТЛ не одговори веднаш на барањето за коментар, испратено преку електронска пошта надвор од работното време во Кина.
Акциите на „Форд“ во петокот во Њујорк паднаа за 5,6 проценти и затворија на 12,73 долари. Тие оваа година се во пораст од 9,5 отсто.
Американскиот производител на автомобили и кинескиот КАТЛ, најголемиот светски производител на батерии за електрични возила, ја разгледуваат новата сопственичка структура, според која „Форд“ би поседувал 100 проценти од фабриката, вклучувајќи ги зградата и инфраструктурата, објави „Блумберг“ минатата година.
„Работниците на ’Форд’ ќе ги прават батериите, додека КАТЛ ја поседува технологијата за создавање на ќелиите“, велат запознаените извори. Ваквиот аранжман може да дозволи објектот да се квалификува за профитабилни даночни кредити за производство, според Законот за намалување на инфлацијата, додека истовремено не бара директни финансиски инвестиции од КАТЛ.
Bloomberg Mercury
Местото за новата фабрика, во близината на малиот град Маршал во југозападниот дел на Мичиген, има простор да се развива, што потенцијално ќе донесе повеќе работни места и поголеми инвестиции, велат изворите на „Блумберг“. Компаниите, исто така, ја сметаа Вирџинија како можен дом за фабриката, објави претходно „Блумберг“. Таа опција беше поништена кога гувернерот на Вирџинија, Глен Јангкин, потенцијален републикански претендент за Белата куќа во 2024 година, ја исфрли својата држава од конкуренцијата, нарекувајќи го КАТЛ „тројански коњ“ за Кина, кој ќе ги поткопа политичките напори за зајакнување на американската автомобилска индустрија. Меколи Портер, портпарол за Јангкин, одби да коментира во петокот. Гувернерката на Мичиген, Гретчен Витмер, зазеде поинаков став од нејзиниот колега, нарекувајќи го потегот на Јангкин политичка определба, објави „Детроит њуз“ минатиот месец.
Витмер се бори да привлече повеќе инвестиции за батерии за електрични возила, откако загуби од Тенеси и Кентаки во трката за историската инвестиција на „Форд“ од 11,4 милијарди долари во 2021 година. „Форд“ во јули објави дека оваа година ќе започне да користи поевтини батерии од литиум-железо-фосфат од КАТЛ на моделите „мустанг мач Е“ (Mustang Mach-E) и пикапи „Ф-150 лајтнинг“ (F-150 Lightning) од почетокот на 2024 година, што ќе го зголеми производството на тие популарни возила.
„Форд“ соопшти и дека има план да набавува 40 гигават-часа од тие батерии годишно во Северна Америка во 2026 година, но првично ќе ги увезе од Кина. Компанијата инвестира вкупно 50 милијарди долари за развој и изградба на електрични возила и планира да произведува два милиона електрични возила годишно до крајот на 2026 година. Производителот на автомобили со седиште во Дирборн, Мичиген, беше број два продавач на електрични возила во САД минатата година, далеку зад „Тесла“, која контролира речиси две третини од американскиот пазар.
.webp){kind=icon}
Во моментов нема коментари за веста. Биди прв да коментира...