Инфлацијата во ноември одново забрза. Државниот завод за статистика вчера објави дека се искачи на 4,3 отсто што е највисоко ниво по мај годинава. Двигател на растот се цените на храната. Зголемените бројки се објавени само на неколку дена пред стапувањето на сила на новата владина кошничка со околу 700 производи кои ќе имаат намалени цени.
Данокот на добивка расте, како Македонија ќе привлекува инвестиции?
На 1 јануари годинава рамните даноци ќе станат полнолетни. Од 1 јануари 2007 година во земјава се применува даночна стапка од 10 отсто за персоналниот данок и за данокот на добивка. Целта на рамните даноци беше намалување на товарот на компаниите во земјава, но и привлекување нови странски инвестиции.
Сепак, на прагот на полнолетството, за дел од компаниите, за најголемите, даночната стапка од 10 се качува на 15 отсто. Тоа се прави со цел земјава да се усогласи со минималниот данок на добивка кој во европските земји почна да се применува оваа година, а во 2025 година ќе треба да се плати.
Македонија се задолжува најскапо во регионот: Како со долгот во 2025 година?
Каде да се најдат половина милијарда евра за отплата за еврообврзницата издадена во 2018 година што достасува на почетокот на 2025 година, но и дополнителни милијарда евра за исплата на домашните хартии од вредност што достасуваат во текот на следната година е прашање што добива на значење како што се наближува крајот на 2024 година.
Колку би нè чинело новото задолжување преку издавање обврзница на меѓународните пазари? Какво влијание врз цената на задолжувањето има нискиот кредитен рејтинг на Македонија? Дали задолжувањето на домашниот пазар на капитал би било поисплатливо? Ова се само некои од прашањата што се надоврзуваат на претходното, а на кои во „Блумберг Адрија“ се обидуваме да дадеме одговор со помош на нашиот аналитички тим.
Депозитната камата ќе падне на два отсто до крајот на 2025 година
На овонеделната седница очекуваме продолжување на монетарното олеснување и намалување на пасивните каматни стапка за дополнителни 25 базични поени, на ниво од 3 отсто, што е најниско ниво од пролетта 2023 година.
Закрепнување на индустријата во еврозоната сè уште не е на повидок. Најавените отпуштања во автомобилската, хемиската и металуршката индустрија вршат притисок врз одлуката на ЕЦБ. Исто така, политиката на новиот американски претседател во моментов е во насока на натамошен притисок врз економијата на ЕУ.
Ескалира технолошката војна, Кина отвори истрага против „Енвидија“
Кина отвори истрага против „Енвидија“ (Nvidia Corp.) поради сомневања дека американскиот производител на чипови ги прекршил антимонополските закони во врска со договор од 2020 година, насочувајќи се кон гигантот за вештачка интелигенција (ВИ) додека и Вашингтон ги засилува санкциите.
Државната администрација за регулација на пазарот отвори истрага за неодамнешното однесување на компанијата, како и за околностите околу аквизицијата на „Меланокс“ (Mellanox Technologies Ltd.), соопшти владата во понеделникот. Пекинг го одобри договорот пред четири години, под услов „Енвидија“ да не дискриминира кинески компании.
Авиокомпаниите очекуваат рекорден број на патници во 2025 година
Глобалната авиоиндустрија ќе заработи 36,6 милијарди долари нето-приход во 2025 година, поттикната од рекордни 5,2 милијарди патници, соопшти водечката лобистичка група на индустријата во својата годишна прогноза.
Прогнозата претставува зголемување од 16 отсто во однос на бројките за 2024 година. Профитните маржи за индустријата ќе бидат 3,6 отсто, повисоки од маржите од 3,3 отсто во 2024 година, соопшти Меѓународната асоцијација за воздушен транспорт (IATA/ИАТА) во средата. Пониските цени на нафтата и зголемената побарувачка ќе ја поттикнат профитабилноста, додека потенцијалните тарифи и трговските војни од страна на новата администрација на Трамп би можеле да ги нарушат перспективите на индустријата, соопшти групата.
.webp){kind=icon}
