Светската побарувачка на јаглен се очекува и годинава да остане на највисоко ниво. Иако производството на електрична енергија е намалено, употребата на јаглен е зголемена во индустријата поради зголемената побарувачка.
Потрошувачката на јаглен се зголеми за 3,3 отсто, до рекордни 8,3 милијарди тони во 2022 година, и ќе остане на тие нивоа оваа година, бидејќи побарувачката во Азија останува силна, се наведува во извештајот на Меѓународната агенција за енергија (ИЕА). Кина, Индија и земјите од Југоисточна Азија заедно ќе сочинуваат три четвртини од потрошениот јаглен на глобално ниво во 2023 година.
„Побарувачката останува тврдоглаво висока во Азија, иако многу од тие економии значително ги зголемија обновливите извори на енергија“, рече Кеисуке Садамори, директорот за енергетски пазари и безбедност на (ИЕА). Во извештајот се нагласува глобалната нерамнотежа на енергетската транзиција, бидејќи земјите во развој се задржуваат на загадувачките форми на производство. Тоа е остар потсетник дека и покрај забрзувањето на чистата енергија во Европа и Северна Америка, голем дел светски енергетски и индустриски сектори остануваат длабоко врзани за фосилните горива. Употребата на јаглен во Европа ќе опадне нагло оваа година, бидејќи континентот сега се соочува со стагнација. Поради ризикот целосното снабдување со природен гас да биде прекинато претходната година, европските држави набавија и повеќе од потребните количества гас. Поради заситеноста на ЕУ од овој енергент се очекува намалување на употребата на јагленот. Пониските цени на природниот гас во САД сигнализираат дека ќе има оддалечување од јагленот. Во 2022 година производството на јаглен во Европската Унија (ЕУ) изнесуваше 349 милиони тони, што е за пет отсто повеќе во однос на претходната година, додека потрошувачката на јаглен беше 454 милиони тони или два отсто повеќе во однос на 2021 година.
Прочитај повеќе
Министрите од Г20 не постигнаа договор за нови климатски цели
Постепеното укинување на фосилните горива за дел од земјите е клучен фактор да се намалат емисиите на јаглерод.
23.07.2023
Тешко оди откажувањето од нафтените деривати
Норвешка е пионер во употребата на електрични автомобили. Сликата што може да се види низ оваа земја е повеќе станици за полнење на автомобилите отколку бензински пумпи.
07.07.2023
Побарувачката на гас ќе трае со децении и покрај зелената транзиција
Најголемите светски производители имаат намера да ги забрзаат инвестициите во природен гас.
24.06.2023
Не е добро време за челичарница или рудник за јаглен во Кина
Најлошо на месечно ниво минаа производителите на црни метали, меѓу кои се и производителите на челик за згради и автомобили.
29.05.2023
ЕУ најмногу произвела кафеав јаглен, во износ од 294 милиони тони, што е зголемување за шест отсто во однос на 2021 година. Кафеав јаглен во ЕУ произведуваат девет земји-членки, а главен производител е Германија. Минатата година Германија учествуваше со околу 44 отсто од вкупното производство на кафеав јаглен во ЕУ (131 милион тони). Други земји-членки што произведуваат кафеав јаглен се Полска (19 проценти), Бугарија (12 проценти), Чешка (11 проценти), Романија, Грција, Унгарија, Словенија и Словачка.
Кога станува збор за потрошувачката, бројките за потрошувачка за лигнит и кафеав јаглен се многу слични со производството, бидејќи овие видови јаглен обично не се тргуваат, туку се користат во домашни рамки за производство на електрична енергија.
.webp){kind=icon}