Глобалното забавување на инфлацијата ќе се отслика и во земјава следната година, доколку умешно се водат фискалните и монетарните политики. Аналитичарите очекуваат трендот што почна во последните неколку месеци да се задржи и во следната 2024 година, иако кон овие очекувања секако има и ризици - на домашен план изборите, меѓународно, несмирените воени тензии во Украина и на Блискиот Исток.
„Зголемувањето на платите наспроти ниската продуктивност, очекувањата за помал раст на приватната потрошувачка од претходно, ограничената конкурентност на домашните компании и големината на неформалната економија како дополнителни негативни ефекти во просек ќе ја движат стапката на инфлација од седум до осум отсто следната година“, вели професорот Бујамин Бела.
„Ќе се инсистира следната година стапката на инфлација да се задржи на едноцифрена бројка, која би се движела до осум отсто. Со оглед на тоа дека 2024 година е изборна, очекувано е дека владините мерки нема да бидат со ограничувања и намалување на инфлацијата за бизнисот и за граѓаните. Затоа препораките се транспарентно трошење, капитални инвестиции и вложување во човечки капитал“.
Прочитај повеќе
Прогнозираме: Како ќе се движат цените на становите в година
Нема услови за раст на цените в година, но нема ни за намалување.
13.12.2023
Можен инфлаторен бумеранг од поголемите плати во администрацијата
Следната година администрацијата ќе нè чини 210 милиони евра повеќе отколку што нè чинела во 2019 година.
15.12.2023
ББА-анализа: Македонија и регионот пожилави од Европа
Се очекува ЕЦБ да ја намали каматната стапка за рефинансирање на 3,75 проценти до крајот на годината.
11.12.2023
Бектеши: Доколку има потреба ќе се продолжи мерката за замрзнување на цените
Во случај одредена мерка да се злоупотреби ќе ги зајакнат инспекциските капацитети
07.12.2023
Во Македонија инфлација од 3,1 проценти во ноември
Во однос на претходниот месец, трошоците на животот бележат зголемување од 0,1 процент, а цените на мало зголемување од 0,2 проценти.
07.12.2023
Приватна архива/ Бујамин Бела
Внимателните чекори на Владата во периодот што следува нема да дозволат инфлацијата да се зголемува, туку таа ќе забави близу посакуваното ниво од два отсто, како што очекува власта.
„Следната година да бидеме на ниво од 2,5 отсто и на исто толку годишен раст на БДП. Независно што следната година имаме претседателски и парламентарни избори, сметам дека треба умешно да ги искористиме месеците што ги имаме на располагање за да не направиме негативно влијание на економијата и да успееме да го вратиме реалниот живот на граѓаните“, вели Фатмир Битиќи.
МИА
И во есенските проекции на Народната банка се очекува забавување на инфлацијата на ниво од четири отсто, но сето тоа ќе зависи од внатрешните и надворешните фактори.
„Очекувањата за следната година се дека стапката на инфлација дополнително ќе забави, сведувајќи се на 3,5 до четири отсто, потоа ќе се стабилизира околу долгорочниот просек од два отсто. Сепак, нагорните ризици околу инфлацијата сè уште постојат и се поврзани главно со цените на примарните производи и промените на регулираните цени, како и со политиките на побарувачката (расположливиот доход)“, велат од Народната банка.
Очекувањата на аналитичкиот тим на „Блумберг Адрија“ се дека стапката на инфлација ќе забавува и таа веќе нема да биде клучна тема. Со оглед на изборната година во повеќето земји од регионот, нè очекува растегнување на фискалната политика, особено на расходната страна, што е поврзано со платите во јавниот сектор и со пензиите.
„Очекуваме дека земјите од регионот ќе се задолжат дополнително за да ги покријат дефицитите, иако некои земји се добро поддржани со високо ниво готовински резерви. Пресврт се очекува кај монетарните политики некаде кон средината на 2024 година. Инфлацијата ќе остане во надолен тренд и нема веќе да биде клучна тема“, потенцираат аналитичарите.
.webp){kind=icon}
