Просечната месечна исплатена нето-плата по вработен, во октомври 2023 година, изнесува 38.843 денари, што е зголемување од 17,3 проценти во однос на истиот месец минатата година.
„Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: јавна управа и одбрана, задолжително социјално осигурување (26,2 проценти), снабдување со вода, отстранување на отпадни води, управување со отпад и дејности за санација на околината (20,2 проценти), снабдување со електрична енергија, гас, пареа и климатизација (20 проценти).“, информира Државниот завод за статистика.
Оттаму додаваат дека зголемување на просечната месечна исплатена нето-плата по вработен, во однос на претходниот месец, е забележано во секторите: дејности во врска со недвижен имот (8,2 проценти), финансиски дејности и дејности на осигурување (6,5 проценти), дејности на здравствена и социјална заштита (4,6 проценти).
Прочитај повеќе
Просечната плата во септември за 16,4 oтсто повисока од лани
Зголемувањето се должи на растот на платите во секторите снабдување со електрична енергија, гас, пареа и климатизација.
21.11.2023
Раст на просечната плата над инфлацијата пет месеци по ред
Просечната месечна исплатена нето-плата по вработен во август 2023 година изнесува 36.390 денари.
20.10.2023
Функционерските плати ја вивнаа просечната плата во април
Просечната плата во април поголема за 1.200 денари споредено со март.
20.06.2023
Михаел Блажековиќ, пазарен аналитичар во „Блумберг Адрија“ вели дека платите во Македонија продолжија силно да растат и во десеттиот месец од оваа година.
„Номиналниот раст на нето-платите во однос на истиот месец лани изнесува 17,3 проценти, додека реалниот раст поради намалувањето на инфлаторните притисоци е 14 проценти (корегирано според ХИЦП), што во моментов е највисок раст на платите во регионот Адрија. Во прилог на растот оди и малиот фонд на соодветни работници поради намалувањето на невработеноста, која падна во однос на просекот за цела 2022 година за 9 проценти.“, вели Блажековиќ.
Mihael Blažeković (Bloomberg Adria)
Тој додава дека кога ќе се споредат платите во Македонија и остатокот од регионот, македонските просечни нето плати се сè уште најниски во регионот Адрија.
„Додуша, може да се забележи одреден напредок. Според следната земја со најниски плати - Босна и Херцеговина, јазот е намален и сега соодносот на платите во Македонија и Босна и Херцеговина е 95 проценти, додека пред една година овој сооднос беше 89 проценти. При слична споредба во однос на највисоките плати - словенечките, тогаш има и видлив напредок каде што соодносот моментално е 41 процент, додека претходните години беше под 40 проценти.“, вели Блажековиќ.
Според него, недостигот од достапна работна сила, потенцијалните предизборни ветувања за раст на платите, како и приближувањето кон просекот на ЕУ ќе донесат дополнителен раст на просечната нето-плата во Македонија во наредните месеци.
.webp){kind=icon}
Во моментов нема коментари за веста. Биди прв да коментира...