Забавува растот на добивката на македонските банки

Во првиот квартал од 2024 година, банкарскиот систем во Македонија оствари добивка од 4,35 милијарди денари (70,7 милиони евра) , која е повисока за 14,9 проценти во споредба со истиот период од минатата година (кога растот изнесуваше 44,3 проценти), што претставува забавен раст на добивката, соопшти Народната банка во новиот квартален извештај за ризиците во банкарскиот систем.

„Најголем придонес во растот на добивката има повисокиот нето каматен приход, иако неговото зголемување за 23,2 процентизабави споредено со истиот период од минатата година (кога се зголеми за 42,9 проценти)“, наведуваат од Народната банка

Оттаму додаваат дека мал придонес во растот на добивката имаа и нетоприходите од провизии и надоместоци (раст од 7,2 проценти).

„Наспроти тоа, нето-трошокот за исправка на вредноста за финансиските и нефинансиските средства се зголеми за 57,1 проценти, а раст бележат и оперативните трошоци и тоа за 10,2 проценти. Анализирано по одделна банка, сите банки, освен две мали банки, остварија позитивен финансиски резултат од работењето“, соопшти НБМ.

Од централната банка објаснуваат дека повисокиот нето каматен приход на банките, се темели врз поголемиот апсолутен раст на приходите од камати за 29,7 проценти, во споредба со растот на каматните расходи од 65,9 проценти.

„Притоа, нето каматните приходи бележат раст од речиси сите сектори, исто така при поголем раст на каматните приходи во споредба со растот на каматните расходи“, посочуваат од НБМ. 

Финансиското посредување со домаќинствата има најголем придонес во формирањето на нето каматниот приход (39,7 проценти), додека најголем придонес во растот на нето каматниот приход имаа нето-приходите од камати од нефинансиските друштва (36,7 проценти).

„Нето каматните приходи од нефинансиските друштва се зголемија на годишна основа за 22,8 проценти, додека овие нето-приходи од секторот „домаќинства“ бележат значително помал раст од 2,3 проценти“, укажуваат од НБМ.

Оттаму додаваат дела релативно висок апсолутен раст на нето-каматните приходи се забележува и од активностите на банките со државата (за 86 проценти) и со финансиските институции (за 98,3 проценти).

„Забавениот раст на нето каматниот приход во првиот квартал од 2024 година се должи пред сѐ на зголемените каматни расходи споредено со истиот период од претходната година, во услови на поголем раст на пасивните каматни стапки во однос на растот на активните каматни стапки“, велат од НБМ.

Од банката констатираат и дека придонес кон забавениот раст на нето каматниот приход имал и побавниот раст на каматните приходи.

„Во првите три месеци од 2024 година, нето каматната маргина продолжи да се зголемува, тренд започнат во истиот период од претходната година. Така, нето каматната маргина се зголеми за 0,4 процентни поени, достигнувајќи ниво од 4,3 проценти. Ваквиот раст се должи на поизразениот релативен раст на нето каматниот приход (23,2 проценти) во однос на растот на просечната каматоносна актива (9,7 проценти).

„Во првите три месеци од 2024 година, показателите71 за повратот на просечниот капитал и резерви и повратот на просечната актива се зголемија за 0,6 процентни поени и 0,1 процентен поен, соодветно. Наспроти тоа, во услови на забавен раст на добивката, профитната маргина се намали за 0,9 процентни поени“, наведуваат од Народната банка. 

Во моментов нема коментари за веста. Биди прв да коментира...

Остави коментар