Осумте најголеми ланци на маркети вчера (7 февруари) оствариле вкупен промет од 181.288.348 денари, што е за 36,95 отсто повеќе во споредба со минатиот петок (31 јануари), кога беше првиот бојкот на маркетите поради високите цени на производите.
Но како што информираат од Управата за јавни приходи (УЈП) и вчерашниот бојкот влијаел на прометот на супермаркетите, бидејќи вчера имале за 22,12 отсто помалку промет во споредба со претходниот ден (четврток).
„Во четвртокот на 6 февруари до полноќ во GPRS системот на УЈП е регистриран вкупен промет во износ од 232.791.773 денари, а издадени се 417.866 фискални сметки, додека во петокот на 7 февруари до полноќ, во GPRS системот на УЈП е регистриран вкупен промет во износ од 181.288.348 денари а издадени се 346.317 фискални сметки. Овие два дена кај осумте поголеми ланци на маркети во земјава, е забележан пад на вкупниот промет за 22,12 отсто“, се наведува во соопштението на УЈП.
Прочитај повеќе
Бојкотот го преполови прометот во маркетите
Прометот вчера бил за над 46 отсто помал од минатиот петок
01.02.2025
Бојкот на маркетите и во Македонија: На цел регион му се смачи од поскапувања
По Хрватска, бојкот на маркетите в петок ќе има и во Србија, Црна Гора и во Македонија. Целта не е да се снабдите претходно со потребното, туку да го купите од мали продавници или пазари.
30.01.2025
Масовен бојкот против дуќаните во Хрватска, граѓаните лути поради високите цени
Во Хрватска денеска се случува голем бојкот на продавниците, трговските синџири и бензиските станици поради незадоволството на граѓаните од растот на цените.
24.01.2025
Воедно од УЈП посочуваат дека при споредбата на регистрираниот промет на 31 јануари и вчерашниот петок (7 февруари) треба да се имаат предвид и различните фактори кои можат да влијаат на потрошувачките навики.
„Еден од тие фактори е тоа што голем дел од граѓаните примаат плата и пензии на почеток од месецот, што создава и промени во нивното потрошувачко однесување“, посочуваат од УЈП.
На 31 јануари граѓаните за првпат се организираа за да ги бојкотираат маркетите поради високите цени на прехранбените производи, по примерот на слични акции во земјите од регионот.
.webp){kind=icon}
Во моментов нема коментари за веста. Биди прв да коментира...