Кинеските научници почнаа да дупчат дупка од 10.000 метри во земјината кора, како дел од напорите на втората по големина економија во светот да истражи нови граници над и под површината на планетата.
Дупчењето започна во вторникот во регионот Ксинџијанг, којшто е богат со нафта, според официјалната новинска агенција Ксинхуа. Претходно тоа утро, Кина го испрати својот прв цивилен астронаут во вселената од пустината Гоби.
Кинеската дупчалка ќе навлезе во повеќе од 10 континентални слоеви и треба да доjде до делови од земјината кора, во кои има карпи кои датираат од пред околу 145 милиони години.
Прочитај повеќе
Не е добро време за челичарница или рудник за јаглен во Кина
Најлошо на месечно ниво минаа производителите на црни метали, меѓу кои се и производителите на челик за згради и автомобили.
29.05.2023
Рубини: Студената војна меѓу САД и Кина ќе стане уште постудена
Тој ја издвои заканата од „геополитичка депресија“ меѓу најголемите ризици со кои се соочуваат пазарите
24.05.2023
Русија го зголеми извозот на алуминиум во Кина на речиси рекордно ниво
Руската продажба на рафиниран алуминиум во Кина се зголеми речиси тројно во април на годишно ниво.
22.05.2023
Бајден: Односите меѓу САД и Кина ќе се подобрат „многу брзо“
Белата куќа започна да се занимава со Кина на повеќе фронтови
21.05.2023
„Тешкотијата во изградбата на инфраструктурата за дупчење може да се спореди со голем камион што вози на два тенки челични кабли“, изјави Сун Џиншенг, научник од Кинеската академија за инженерство.
Претседателот Кси Џинпинг повика на поголем напредок во истражувањето на длабочините на Земјата во обраќањето до водечките научници во нацијата во 2021 година. Според него, така може да се идентификуваат минерални и енергетски ресурси и да се допринесе во проценката на ризиците од еколошки катастрофи, како што се земјотреси и ерупции на вулкани.
Најдлабоката дупка на Земјата направена од човекот сè уште е руската супердлабока бушотина Кола, која достигна длабочина од 12.262 метри во 1989 година, по 20 години дупчење.
.webp){kind=icon}