САД разговараат со турските власти за тоа како Турција може да ја олесни испораката на течен природен гас во Македонија и Бугарија, изјави за „Блумберг“ висок претставник на Стејт департментот.
САД ја ценат подготвеноста на Турција да овозможи транзит во глобалното снабдување со течен природен гас во Југоисточна Европа, рече претставникот на Стејт департментот, кој сакаше да остане анонимен.
Турските и американските власти соопштија дека имале „позитивни“ дискусии за енергетската соработка во последните денови. Тие додадоа дека САД ја поздравуваат одлуката на Турција за енергетска диверзификација по извештаите дека Анкара бара увоз на ЛНГ од Катар.
Прочитај повеќе
Гаспром ја покачи цената на гасот за Босна и Херцеговина за 9,7 отсто
Гасот поскапува поради движењето на цената на нафтените деривати и зајакнувањето на доларот
11.10.2022
Цената на гасот расте поради ризик во снабдувањето по ескалацијата во Украина
Цената на холандскиот гас утрово порасна за 4,7 проценти, на 161,41 еври за мегават час
11.10.2022
Европејците во очај се враќаат кон огревното дрво
Цените на дрвените пелети се речиси двојно зголемени на 600 евра за тон во Франција
08.10.2022
Колку чини една желба за гасификацијата, а колку сите заедно?
Преговорите ќе потраат со цел двете компании учеснички на тендерот да добијат можност да излезат со што е можно поповолна понуда
06.10.2022
Другите точки на дневниот ред вклучуваат соработка во обновливите извори на енергија, проширување на јужниот гасен коридор и критичните минерали. Турските власти не беа веднаш достапни за коментар.
Инаку, САД беа најголемиот снабдувач на ЛНГ на Турција во првиот квартал од оваа година. Претходно, турскиот претседател Реџеп Таип Ердоган соопшти дека Турција сака да ја прошири соработката со САД во однос на снабдувањето на Европа со гас.
Македонската Влада во изминатиов период активно бараше решенија за енергетската криза во преговори со повеќе земји. Владин тим, предводен од министерот за економија Крешник Бектеши при крајот на септември беше во посета на Турција во потрага по поволен договор за набавка и испорака на гас и струја во наредните кризни месеци. Тие беа на средби со претавниците на турската државна компанија „Боташ“ чија примарна дејност е продажба, испорака и складирање на природен гас.
„Блумберг Адриа“ веќе пишуваше дека министерот Бектеши по посетата на Турција информираше дека Македонија има понуда за набавка на електрична енергија која е доставена до Стопанската комора со цена која е повисока од нивните барања кои се движат од 150 до 200 евра за мегават час.
„Но проблемот е тоа што ниту една од заинтересираните компании не ни гарантира дека ако цената на пример би била 250 евра дека тие би ја купиле таа електрична енергија. Ако ние авансно плаќаме за 100 мегавати на електрична енергија по цена на пример од 250 евра и ако тука нашите компании не гарантираат дека ќе ја купат по таа цена тогаш целиот товар ќе падне на државата, и ние не можеме така да се однесуваме со буџетот на државата. Ако платат авансно, тогаш можеме да обезбедиме одредени количини“, кажа министерот.
.webp){kind=icon}
Во моментов нема коментари за веста. Биди прв да коментира...