Креаторката на „Вестворлд“ не се плаши дека вештачката интелигенција ќе и ја земе работата

Лиза Џој, една од креаторките на хит серијата на „Ејч-Би-О“ (HBO), „Вестворлд“ (Westworld)а е уверена дека нејзината работа како продуцент на научна фантастика е безбедна од вештачката интелигенција. Барем „за подолго време“.

„Во моментов, вештачката интелигенција може да се користи како додаток на креативните замисли, но сè уште не создава нов материјал“, рече таа во последната епизода од серијата „Блумберг ориџиналс Еј-Ај ИРЛ“, која испитува како вештачката интелигенција се вклопува и како може да помогне во обликувањето на научната фантастика.

Џој за „Студијата на Амазон“ создава ТВ адаптација на „Фолаут“ (Fallout), популарната пост-апокалиптична серија на игри развиена од „Бетесда Гејм Студиос“ (Bethesda Game Studios). Во игрите, хуманоидните роботи со вештачка интелигенција (меѓу многуте други форми) играат клучна улога во обликувањето на приказните, коишто не секогаш завршуваат добро за живите суштества.

Таа е не открива ништо за содржината на „Фолаоут“, но запрашана дали има аспекти на човештвото зрели за истражување во научно-фантастичен контекст, таа посочи на љубомората.

„Мислам дека најопасното нешто што може да го „чувствува“ вештачката интелигенција би била љубомората или желбата за нешто надвор од нејзините кодирани параметри“, рече Џој. „На волшебството што му го давате на џинот недостасува клучна фраза што би го задржала џинот во шишето, и овозможува раст за кој не сме подготвени и создавање желба во машината со која светот не е подготвен да се справи“.

Авторот на научна фантастика Кори Доктору тврди дека реалниот свет има големо искуство во заедничкото живеење со злобни вештачки организми.

„Тие се нарекуваат друштва со ограничена одговорност“, рече тој. „Тие постојано стануваат се помоќни и луѓето што ги водат се очигледно немоќни да ги спречат. Мислам дека најдобриот начин да се разберат сите екстремно богати луѓе кои алармираат дека претстои апокалипса на вештачката интелигенција е дека тоа е навистина само поместена вознемиреност за нивниот однос со компаниите што ги водат“.

Колегата автор Том Мерит е пооптимист за улогата на вештачката интелигенција во создавањето дела од научната фантастика.

„Не сум многу загрижен дека ќе бидам заменет, делумно затоа што вештачката интелигенција сè уште не е толку добра во креативните работи, но, исто така, ние тежнееме да земаме алатки и да откриеме нови начини да ги користиме за да смислиме работи кои порано не сме можеле“, рече тој. „Она на што гледам како писател е како ова може да ми помогне да раскажам подобра приказна? И дали сум доволно прилагодлив за да го користам и да смислам нешто што инаку не можев да го смислам?“, додава Мерит.