Путин: Дајте ни ги турбините и уште утре ќе го вклучиме 'Северен тек'

Рускиот претседател Владимир Путин ги обвини западните земји за затворањето на гасоводот „Северен тек“ и рече дека протокот кон Европа може да продолжи веднаш штом ќе се ублажат санкциите кон Русија, што ќе ѝ овозможи на земјата сервисирање и ваќање на турбините.

„Дајте ни ги турбините и утре ќе го вклучиме 'Северен тек'“, рече тој на Источниот економски форум во Владивосток. „Но, нема да ни дадат ништо“, додаде рускиот лидер.

Германија претходно соопшти дека турбината, која беше испратена на поправка, е подготвена да биде вратена во Русија, но Москва посочи дека проблемите со документите се пречка. Претходно во средата, германскиот канцелар Олаф Шолц ја обвини Русија за „уцена“ во однос на снабдувањето со енергија.

Рускиот претседател го коментираше 'Северен тек' за прв пат откако клучниот гасовод беше затворен на неодредено време. Европа создаде „ќорсокак од санкции“, рече тој.

Подвлече дека е „глупост“ да се сугерира дека Москва ја користи енергијата како оружје против Европа за да возврати на санкциите поради нејзината инвазија на Украина.

Државниот „Гаспром АД“ постепено го намали протокот преку „Северен тек“, предизвикувајќи скок на цените на енергијата во Европа.

Путин увери дека падот на извозот на гас во Европа, историски најголемиот пазар на „Гаспром“, нема да ѝ наштети на Русија. Тој рече дека компанијата се договорила за клучните детали, вклучително и цената, за третиот договор за снабдување со Кина.

„Гаспром“ веќе се обврза да испраќа дури 38 милијарди кубни метри годишно во Кина преку гасоводот „Моќта на Сибир“ (Power of Siberia) и уште 10 милијарди кубни метри преку далечниот исток. Очекуваниот трет договор може да додаде уште 50 милијарди кубни метри годишно на испораките.

Во моментов нема коментари за веста. Биди прв да коментира...

Остави коментар