Се зголемува свесноста кај македонските граѓани и компании за проблемите што ги носат климатските промени, за потребата од подобрување на енергетската ефикасност и за транзиција кон одржлива или таканаречена „зелена“ економија. Најдобар показател за тоа се новите податоци што ги објави Народната банка за кредитите за зелено финансирање одобрени на домаќинствата и нефинансиските друштва (компании) каде што се забележува континуиран тренд на пораст.
Имено, таканаречените зелени кредити се зголемиле од 7,1 милијарди денари (116 милиони евра) на крајот од 2019 година на 11,1 милијарди денари (181 милиони евра) заклучно со првата половина од годинава. Во овој период, нивното учество во вкупните издадени кредити во банкарскиот систем се зголемило од 2,2 на 2,8 проценти.
Од Народната банка соопштија дека почнуваат со редовна објава на кварталните податоци за зеленото финансирање како е една од активностите со која сакаат да придонесат кон создавање „зелена“ и одржлива економија.
Прочитај повеќе
Можен ли е пад на емисијата на ЦО2 додека потрошувачката на енергија расте?
За два и пол века емисијата на „ЦО2“ по глава на жител на годишно ниво се зголемила за 385 пати
13.10.2022
Цехот доаѓа: Над 344.000 енергетски неефикасни згради во Македонија
Катастрофална состојба во однос на енергетската ефикасност на живеалиштата во Македонија
12.10.2022
Енергетската криза може да доведе до рекордна емисија на јаглероден диоксид
Зголеменото користење на фосилните горива ја покачи емисијата на „CO2“ за 1,7 отсто, или 133 милиони тони
05.10.2022
Фотоволтаици: Има барања за 8.000 мегавати, системот нема да ги издржи
Со реализација на најавените инвестиции во фотоволтаици би се јавила несразмерност
03.10.2022
„Народната банка досега презеде повеќе активности за зголемување на свесноста за последиците од климатските промени и за сѐ позастапена „зелена“ компонента во финансиите во македонската економија. Таканаречените „зелени кредити“ се наменети за унапредување на енергетската ефикасност на домаќинствата и на приватниот сектор, за инвестирање во зелени технологии, материјали и решенија и за инвестирање во обновливи извори на енергија, контрола и спречување на загадувањето, заштита на животната средина, како и намалување на ризиците од климатските промени“, информиртаат од Народната банка.
Оттаму додаваат дека на почетокот на 2022 година, Народната банка спровела анкета за ризиците од климатските промени според која 40 проценти од домашните банки и штедилници имаат воведено производи и услуги како реакција на климатските промени, додека 80 проценти од испитаниците одговориле дека размислуваат за воведување нови производи и услуги како реакција на климатските промени.
„Климатските и општествените промени, со кои се повеќе се соочуваме, оставаат видливи белези врз глобалната економија и можат да влијаат врз остварувањето на целите на централните банки. Затоа е неопходно носителите на политиките да се посветат на ублажување на потенцијалните економски последици од климатските промени. Зелената и дигиталната трансформација во иднина можат да придонесат за градењето посилни економии отпорни кон шокови. Предизвиците со кои сега се соочуваат економиите во светот се доказ дека треба да се бараат алтернативни решенија и да се размислува подолгорочно во однос на обезбедувањето одржливи извори на енергија и зголемувањето на производството на храна“, укажуваат од централната банка.
.webp){kind=icon}
