Советот на Народната банка донесе одлука за зголемување на стапката на противцикличниот заштитен слој на капиталот за изложеностите на банките во земјава за 0,25 процентни поени, од претходно утврдениот 1 процент на 1,25 отсто, со почеток на примена од 1 ноември 2024 година.
Од централната банка соопштија дека во услови на здрав и стабилен банкарски систем, со зголемена профитабилност и соодветно ниво на ликвидност, кога ризиците сè уште немаат одраз врз билансите на домашните банки, зголемената стапка на противцикличен заштитен слој на капиталот има цел да дејствува превентивно кон дополнително јакнење на отпорноста на банките и со тоа да обезбеди повисока финансиска стабилност, што е во согласност и со мерките што се преземаат во поголем број земји во Европската Унија.
На редовната седница на Советот била донесена и одлука за начинот на спроведување на мерките за спречување на перењето пари и на финансирањето тероризам. Позначајни измени се воведувањето посебен дел за ризикот од финансирање тероризам и финансирање на ширењето оружје за масовно уништување (пролиферација) и подетална разработка на мерките и дејствата за спречување на перењето пари и на финансирањето тероризам, кои треба да ги преземаат менувачниците и платежните институции. Во одлуката се внесени и препораките на Комитетот на експерти на Советот на Европа (Moneyval), како и регулативата на ЕУ за интерните контроли кај филијалите или подружниците на субјектите основани во трета земја.
Прочитај повеќе
Ретка можност за „брак“ меѓу македонски банки, колку кеш ќе чини?
„Комерцијална банка“ подолго време е гладна за раст. Прашање е дали по „утката“ со „Еуростандард банка“, ќе ја земе „Стопанска банка“ АД Битола?
02.10.2023
Прв пат во историјата: Надоместоците на македонските банки на дланка
Новата онлајн алатка на Народната банка овозможува споредба на надоместоците што ги наплаќаат банките
01.10.2023
ББА-анализа: Банките од регионот заработуваат лудо, тестот е следната година
Нето-добивката на банките во регионот Адрија годинава е зголемена за две милијарди евра.
02.10.2023
Значаен годишен раст на каматите на кредитите, август исклучок
На годишна основа, се бележи зголемување на просечната каматна стапка и кај кредитите и кај депозитите.
29.09.2023
ББА-прогноза: Ова не е крај на растот на каматите во Македонија
Народната банка најверојатно уште еднаш ќе ја крене основната каматна стапка до крајот на годината, прогнозира аналитичкиот тим на „Блумберг Адрија“.
21.09.2023
Раст на вкупните депозити и кредити во август
Потрошувачките и станбените кредити, како најзастапени категории, бележат месечно зголемување од 0,3 и 0,5 проценти
21.09.2023
Кнез: Данок на банкарски профити – данок а ла Робин Худ или не?
Наместо а ла Робин Худ, ваквите потези повеќе потсетуваат на некои други херои од стриповите, вели нашиот главен аналитичар.
18.09.2023
Инаку Народната банка го усвои извештајот за финансиската стабилност за 2022 година, во кој, како што велат, се оценува дека домашниот финансиски сектор добро се справи со предизвиците и уште еднаш покажа дека е отпорен на шокови и има капацитет за справување со кризи. Солвентноста на банкарскиот систем бележи подобрување, стапката на адекватност на капиталот забележа квартално зголемување до највисокото ниво за последните шеснаесет години, од 18,2 отсто. Квалитетот на кредитното портфолио на банките се задржа со учество на нефункционалните во вкупните кредити од 2,9 проценти.
Во извештајот се наведува дека банкарскиот сектор ја задржа стабилноста на своите биланси. Остварувањата на пензиските фондови биле под влијание на сложеното макроекономско опкружување, што придонело, како и во повеќето други земји, за намалување на стапките на принос мерени за повеќегодишни периоди. „Сепак, станува збор за краткорочни пазарни шокови, што отвора простор да се надоместат загубите во следниот период“, се наведува во извештајот.
Ризиците од опкружувањето немале позначително влијание врз осигурителниот сектор, чии резултати од работењето се подобриле, а солвентноста се задржала на соодветно ниво. Преостанатите финансиски институции (штедилниците, друштвата за лизинг, инвестициските фондови и финансиските друштва) и натаму се со мал обем на активности и засега имаат многу ограничено значење како извор на системски ризик за финансиската стабилност, посочуваат од НБ.
Оценето е дека неповолното опкружување позначително се одрази врз работењето на инвестициските фондови преку изразен надолен тренд на стапките на принос, со исклучок на паричните фондови.
.webp){kind=icon}
