Скапото земјоделско производство ја направи храната луксуз

Се над евро. Цените на домашните земјоделски производи исти како на грчка плажа. Килограм домати и краставици на средина на август, во земја како Македонија, се продаваат по над 60 денари за килограм. Цена држат и праските кои цело лето не паднаа под 45 денари за килограм, а и трпезното грозје. Според податоците на Државниот завод за статистика, овошјето и зеленчукот во земјава за една година поскапеле за 8,8 и 19,8 отсто соодветно. Останатите производи поскапеле многу повеќе.

Зошто во земјоделска Македонија храната стана луксуз? Освен намаленото производство од претходните години заради напуштените села во кои веќе нема кој да работи, годинава проблем се и скапите енергенси и ѓубрива. Производителите на леб велат дека на берза цената на пченицата за една година пораснала за 100 отсто. Во нејзнината цена влегуваат скапите енергенси, но и скапите ѓубрива чиј најголем производител е Русија.

Според државната статистика, трошокот за ѓубрива за македонските земјоделци за една година се зголемил за над 60 отсто. Вкупните трошоци за земјоделско производство во јули се зголемиле за 21,9 отсто споредено со јули лани.

За разлика од Македонија, во светот, во јули споредено со јуни  цените на храната почнаа да паѓаат. Според извештајот на Светската организација за храна при Обединетите нации објавен минатата недела, сите основни прехранбени производи минатиот месец забележале пад во однос на јуни. Во земјава, иако поблаг, трендот на раст на цените продолжува кај сите производи освен кај маслото и зеленчукот.  

Најголем пад, според ФАО, бележат цените на маслото кое сега е на 10 месечен минимум, како и шеќерот кој има најниска цена во последните пет месеци. Индексот на цената на месото во јули за прв пат покажва пад на месечно ниво.

Во моментов нема коментари за веста. Биди прв да коментира...

Остави коментар