ИТ-стартапот „Рола“ (Rolla) од Босна и Херцеговина, социјална платформа за фитнес што им овозможува на корисниците да следат, да се натпреваруваат и да се забавуваат додека вежбаат, доби вкупно 6,3 милиони евра инвестиции во рундата на финансирање „сид“ (ceed). Ова е најголемата инвестиција за некој стартап од фитнес-технолошката сфера во Централна и Источна Европа (ЦИЕ).
Главните инвеститори ги предводеа Мате Римац, хрватски претприемач и извршен директор на „Римац груп“, и романската „Хеленс рок“ (Hellen’s Rock), семејната канцеларија на претприемачот Саша Драгиќ, се наведува во соопштението за јавност на „Рола“.
Со собраните средства, „Рола“ планира да формира регионален центар за развој во Босна и Херцеговина и европски трговски центар за проширување на бизнисот во Западна Европа, а секако и да ја зголеми базата на корисници. Игор Крезиќ, основач и директор на „Рола„ претходно за медиумите изјави дека примарна мисија на оваа платформа е да го промени и подобри здравјето преку употреба на технологија.
Прочитај повеќе
Маск го претстави својот адут во сферата на вештачката интелигенција
Маск со месеци навестуваше дека сака да создаде алтернатива на популарниот четбот за вештачка интелигенција, ЧетГПТ.
13.07.2023
Како Силициумската Долина се навлече на дрога?
Ако сте технолошки претприемач, треба да земате халуциногени дроги за (прво) да можете да замислите неверојатна иднина и (второ) да бидете некако чудни за разговор.
12.07.2023
Паметни куќички за птици - за две години до 35 милиони евра. Како е можно?
Словенечки стартап продаде 100 илјади паметни куќички за тој период
30.05.2023
Јапонски стартап собра 30 милиони долари за да испрати роботи во вселената
Јапонскиот стартап „Гитаи“ се шири во САД во обид да создаде роботска работна сила за помали трошоци.
29.05.2023
Глобално рангирање: Каде е македонскиот стартап-екосистем
Македонија се најде на 69. место на листата од 100 земји рангирани во новиот извештај Глобален стартап-екосистем за 2022 година.
29.03.2023
Алатка за Линкдин и технолошки парк: Раскажуваме наши стартап-приказни
Фокусот на „Ховицер“ е на „Хеј рич“, алатка за директен маркетинг за Линкдин, наменета за агенции и тимови.
29.03.2023
„Гугл“ лови рипки и во регионот Адрија
По објавата дека американскиот технолошки гигант „Гугл“ ја презема хрватската „Фотомат“ (Photomath), се интересиравме која друга компанија од регионот би можела да се најде на неговиот радар.
29.03.2023
Стартап што обучува ВИ да извршува задачи собра 350 милиони долари
Стартапот ќе развива алатки што ќе вршат конкретни задачи наместо да одговараат на прашања.
14.03.2023
Македонија со слаба стартап-сцена, кои се компаниите кои носат надеж
Неделава се одржува втората конференција за стартапи, организирана од „PwC Македонија“.
14.03.2023
Украински стартап доби милион евра, еден од сопствениците е на фронтот
Украинската платформа за управување со готовински текови „Финмап“ го затвори кругот на финансирање од милион евра.
28.02.2023
Стартапите стануваат улов
Годинава се очекува експлозија во преземањето стартап-компании
20.02.2023
„Рола“ беспрекорно овозможува премин на активности на отворено и во затворено и ви дава целосен преглед на вашиот напредок“, вели основачот на платформата. Компанијата на почетокот на оваа година објави бета-верзии на своите апликации „Рола уан“ (Rolla One) и „Рола ворлд“ (Rolla World) за рани корисници. Целосните верзии ќе бидат подготвени за лансирање во првиот квартал на 2024 година, се наведува во соопштението за медиумите.
Апликацијата „Рола“/Rolla
„Рола“ е основана во 2019 година во Босна и Херцеговина. Платформата се состои од две апликации: мобилната апликација „Рола уан“ ги следи сите фитнес-метрики и физичката активност, додека десктоп-апликацијата „Рола ворлд“ им овозможува на корисниците да трчаат и да возат велосипед во виртуелен свет.
Единствен во БиХ
Стартапот „Рола“ собра 1,7 милион евра во серијата А на инвестициска рунда во октомври 2021 година, кога во него инвестираа приватната семејна компанија „Хеленс рок капитал“ и ангел инвеститор од Србија.
БиХ, како и Македонија, заостанува зад стартап-сцената во регионот, но работите полека почнаа да се развиваат во двете земји.
Со помош на Мирела Хаскиќ-Суша
.webp){kind=icon}
