Следната недела: Има ли скриени дијаманти на Македонската берза?

Многу од домашните компании ги објавија полугодишните извештаи за финансиското работење, па резултатите покажуваат одличен перформанс на фармацевтските „Алкалоид“ и „Реплек“, банките се традиционално добри, а добро им оди и на најголемиот нафтен дистрибутер „Макпетрол“, на познатата компанија од Прилеп „Витаминка“, а и на „Макстил“. „Македонски телеком“ ги надмина регионалните конкуренти по дивидендниот принос и по растот на цената на акцијата. 

Следната недела ќе навлеземе во суштината на објавените резултати и од другите котирани компании. Има ли скриени дијаманти на берзата и дали можеме да ги земеме предвид кога ги планираме нашите долгорочни инвестиции?

Од друга страна, со своите заработки можат да се пофалат и многу глобални компании, па ние ќе направиме преглед за тоа во кои од нив е правилно време за вложување.

Светот влезе во нов трговски поредок откако американскиот претседател Доналд Трамп ги објави царините, а во неделата што следува ќе понудиме и многу нови анализи за последиците од оваа „војна“.

Македонија е расадник на сезонски работници на јадранското приморје, но и во Грција, а во фокусот на нашата анализа ќе биде токму таа тема. Нашите транспортери исто така работат во многу европски земји, па ќе навлеземе во преглед на тоа кои се предизвиците во транспортната индустрија.

Летото е во тек, а потрошувачката на струја е на максимум. Бугарија се подготвува за зимата и веќе е извесно дека е можно да смета на поевтината струја од соседите, па и од Македонија. Ќе анализираме подетално за тоа.  

Има законски измени во регулативата за сајбер-безбедност, а тоа исто така ни е во фокусот. Повеќе европски земји побараа евтини кредити од Европската комисија за одбрана, ние планираме анализа за нашиот одбранбен фокус. 

Актуелни се лиценцираните платформи за краудфандинг, кои се застапени и во регионот, глобално секако. Ќе понудиме преглед на тоа кои се најдобрите во Европа и каква е ситуацијата во Македонија. 

Читајте македонски вести и најрелевантни содржини од светот на „Блумберг Адрија“.