Преговори ја обележија неделата што изминува. Најпрво, преговарачите на САД и Кина се договорија дека ќе ги намалат тарифите во период од 90 дена.
Веднаш по постигнувањето согласност меѓу двете земји, пазарите реагираа позитивно. Индексот S&P 500 порасна за повеќе од три проценти. Доларот го забележа својот најголем раст од ноември, откако Трамп победи на изборите во САД.
Преговори за руско-украинскиот конфликт имаше во Истанбул. За првпат имаше директен состанок на претставници на завојуваните страни. Но на преговарачката маса не седнаа Зеленски и Путин.
И покрај најавите, во Истанбул не се појави ниту американскиот претседател Доналд Трамп. За првото големо меѓународно патување тој ја одбра Саудиска Арабија, а Саудијците сакаат да му подарат авион.
Додека Трамп беше на турнеја стигна веста дека инфлацијата во САД е пониска од очекуваното, но дури и милијардерите остануваат претпазливи и сè уште калкулираат дека постои можност од рецесија.
Прочитајте повеќе:
Трамп во Заливот: Ќе им купи ли држава на Палестинците со чипови од „Енвидија“?
„Староста ме стигна“ – Ворен Бафет отворено за повлекувањето од бизнисот
За Македонија опасност од рецесија нема во ниту едно сценарио, но прогнозите на различни институции значително се разликуваат. Анализиравме од каде доаѓаат разликите во проекциите, но и дали инвестицискиот бум што го најавува Владата ќе помогне за повисок раст.
Аналитичкиот тим на „Блумберг Адрија“ провери што очекуваат менаџерите на најголемите компании во Македонија и регионот Адрија до крајот на годината? Прогнозите за земјава се дека ќе расте вработеноста.
Прочитајте повеќе:
Високиот старт во 2025 ветува мирно лето за македонските блучипови
Кој е кој на пазарот на повластени производители на струја во Македонија?
Пишувавме и за потребата на компаниите и на домаќинствата за кредити и намерите на банките за олеснување на кредитирањето. Македонските стартапи што развиваат решенија базирани на вештачка интелигенција, пак, можат да добијат поддршка и од новиот фонд на „Гугл“.
Вештачката интелигенција остана во нашиот фокус и оваа седмица. Пишувавме дека со помош на ВИ, батериите на ајфоните ќе траат подолго, иако ММФ предупредува дека вештачката интелигенција е ненаситна за струја.
Причитајте повеќе:
Владата воведува новини во плаќањето патарини во Македонија
Дојде време за студирање, каде се македонските бруцоши?
Во пресрет на Светското првенство во фудбал, кое в година ќе се одржи во САД, Мексико и Канада, американскиот континент станува сѐ поинтересен за европските клубови, а европскиот фудбал за американските инвеститори. Флорида станува главната база за клубовите од Европа, сега шпанскиот шампион Барселона ги сели своите деловни операции во Мајами. Од друга страна, Премиерлигата станува сѐ повеќе американска, анализиравме дали е тоа добро или не.
.webp){kind=icon}
Во моментов нема коментари за веста. Биди прв да коментира...