Конфликтот на Блискиот Исток и евентуалната ескалација веќе го вклучија црвениот аларм кај македонските бизнисмени. Првиот удар од новиот воен конфликт стигна на бензинските пумпи. Дизелот во земјава минатата недела поскапе трипати, еднаш редовно и двапати вонредно. Цената од понеделникот до петокот се зголеми за шест денари.
Поскапувањето на дизелот се должи на растот на цената на нафтата на светските берзи. Евентуалното вклучување на САД во конфликтот и можноста за затворање на Ормутскиот Теснец создаваат дополнителни грижи дека може да се случи раст и на цените на другите енергенти.
Цената на нафтата е една од причините зошто Народната банка одлучи да ја ревидира прогнозата за инфлацијата до крајот на годината. Наместо 2,5 отсто, просечната стапка се очекува да изнесува три проценти.
НБРМ го вкалкулира геополитичкиот ризик и во проекцијата за економскиот раст годинава, па ја намали проекцијата од 3,3 на 3 проценти. Владата со ребалансот на буџетот не ги намали проекциите ниту за инфлацијата ниту за БДП.
Прочитај повеќе:
Оџаците на РЕК Битола лани загадувале 11 пати над дозволеното
Батериите стануваат стандард - складирањето струја е законска обврска
Владата со забрзан инвестициски циклус планира да го движи растот до 3,7 отсто. Министерството за финансии испрати барање за покажување интерес за финансирање на проектот за изградба на брза пруга по должината на коридорот 10 до 22 меѓународни финансиски институции и странски комерцијални банки. Потребни се 1,9 милијарда евра.
Народната банка објави дека депозитите на фирмите и граѓаните во банките се доближуваат до 10 милијарди евра, долгот пак изнесува над осум милијарди евра.
Шефицата на ЕЦБ, Кристин Лагард, и неделава повтори дека е време за глобално евро. Таа смета дека треба да се искористи ситуацијата – многу извозници не го сакаат доларот во моментов. Сепак, ММФ предупредува дека еврозоната има проблеми и се соочува со стагнација.
Прочитај повеќе:
Ново лето, нов акциски план и стара неподготвеност за справување со пожари
Цените стабилни, мрежите под притисок: Регионот пред летен енергетски тест
Фед и овој пат одлучи да не ги намалува каматите, но најави можност за две намалувања до крајот на годината. Одлуката на централната банка во комбинација со стравот од конфликтот на Блискиот Исток ги спушта цените на акциите. S&P 500 во 2025 година е на пат да заостане зад светските акции најмногу од 2009 година.
Анализиравме во што може да се вложува во вакви околности. Ураниумот е горивото на иднината, неговата потрошувачка расте за 12 проценти годишно. Ваквиот раст е поттикнат од зелената револуција и развојот на вештачката интелигенција. Истражувањата покажуваат дека натамошниот развој на вештачката интелигенција најмногу ќе зависи од зелената енергија.
.webp){kind=icon}
