Инфлацијата продолжува да забрзува. Државната статистика неделава објави дека во јули се искачила на 4,8 отсто и сега е на највисоко ниво по февруари годинава. Ден по објавата на статистичарите, на прес-конференција министерот за економија ги повика трговците да не ги качуваат цените затоа што Владата може пак да ги ограничи. Предупредувањето дојде иако експертите предупредија дека забрзувањето на инфлацијата не се должи на цените на храната туку на посилната побарувачка.
Главен двигател на побарувачката се зголемените пензии за 5.000 денари во текот на една година. А тие и натаму ќе растат. И Фискалниот совет предупредува дека освен фискални ризици, ваквото зголемување на пензиите може да доведе и до судски постапки.
Чекајќи ги ефектите од инвестицискиот бум во енергетиката, расте увозот на струја. Во првата половина од 2025 година во земјава се увезени количества електрична енергија во вредност од близу 200 милиони евра, опасно блиску до сумата што била потрошена за истата намена во цела 2023 година. Инаку, вкупните бројки за извозот покажуваат дека тој расте побрзо од увозот.
Прочитајте повеќе:
Ќе станат ли стабилните коини новата светска валута, а каде е Македонија?
Новите чекори за поголема сајбер-безбедност во Македонија носат и нови обврски
Неделава конечно заврши неизвесноста и царините на Трамп стапија во сила, кои, според експертите, ќе бидат тест за светската економија. Засега тие удрија врз автомобилскиот сектор, а американскиот претседател најави 100 отсто царини за чиповите, но сепак „Епл“ ќе биде исклучен. Новата царинска политика најсериозен удар им нанесува на Индија и Швајцарија. Во случајот со Трамп не помогна швајцарската неутралност.
И неделава ги анализиравме полугодишните финансиски извештаи. Евидентен е пад на добивката кај повеќето банки, а проверивме и како одработија другите сектори.
„Опен еј-ај“ отвори нова ера на вештачка интелигенција во програмирањето, а француската индустрија забележа најсилен раст во последниве пет години. Од друга страна, германските фабрички нарачки неочекувано се намалија втор месец по ред, а индустријата во земјата бележи најголем пад во речиси една година.
Прочитајте повеќе:
НБА ја засилува европската офанзива, ангажира клучен сојузник од Волстрит
По Лигата на шампионите, биткоин: ПСЖ ги менува правилата на фудбалскиот бизнис
Македонците го сакаат спортот, но изгледа повеќе го сакаат спортското обложување, со оглед на тоа што трибините се празни, а обложувачниците полни. Лани во нив сме оставиле 200 милиони евра, а УЈП собрала 20 милиони евра по основ на данок од уплатените тикети.
Плаќањето данок најчесто не е активност што се работи со насмевка, а претпоставуваме дека не им е пријатна ни на спортистите, кои знаат и повеќе од половината од својата годишна заработка да ја насочат кон даночниците. Истраживме колкав даночен товар носат најголемите спортски ѕвезди од регионот.
.webp){kind=icon}
Во моментов нема коментари за веста. Биди прв да коментира...