Иако првично европските акции беа нокаутирани од трговската војна, тие се покажаа многу поотпорни од американските. Понатаму, еврото е најсилно во последните три години. Германските обврзници минатата недела извојуваа најголема победа над американските државни записи. Низ сите можни средства, Европа ја соборува Америка на начин каков што ретко бил виден досега.
Сепак, ЕЦБ останува претпазлива, а можниот ризик по европскиот раст е главната причина зошто ЕЦБ вчера уште еднаш, седми пат по ред, ги намали каматните стапки. Главната закана за економската перспектива на Стариот Континент доаѓа од потезите што ги влече американскиот претседател Доналд Трамп.
Товарот од американските санкции главно ќе го почувствуваат американските потрошувачи. Тие во текот на март и април купуваа повеќе. Прават резерви од страв од повисоките цени. Според извештаите од гигантите за онлајн тргување „Тему“ (Temu) и „Шејн“ (Shein), американските купувачи складираа секакви производи, како четки за шминка и домашни апарати.
Во вакви услови претседателот на Фед, Џером Пауел, изјави дека нема брзање со намалувањето на каматните стапки. А ваквите изјави го погодуваат Волстрит, каде што во средата повторно имаше распродажба.
Прочитајте повеќе:
Проверивме како работат друштвата од слободниот пазар на берзата
Знаете ли што се дивидендни аристократи?
Битката што Трамп ја води главно со Кина ескалира откако администрацијата на Трамп забрани „Енвидија“ да продава еден од своите чипови во Кина. Овој потег ќе ја чини компанијата милијарди, а Трамп ги чека Кинезите да му се јават за преговори и информира дека разговорите со јапонските власти напредуваат. Сепак, Кина бара прво Трамп да покаже почит, а кинескиот претседател Шји Џјинпинг ја промовираше идејата за „азиско семејство“, што е очигледен обид да се спротивстави на притисокот на САД врз државите да ги ограничат трговските врски со Пекинг.
Трамп утврди царини од 33 отсто за земјава, но домашните компании во трговската војна наместо песимизам, гледаат нови можности.
Прочитајте повеќе:
Жешки цени на суровото какао во светот, чоколадите во Македонија – замрзнати
Силен пад на нафтата на берзите, благо намалување на бензинските
Нова можност нема за Фондот за иновации и технолошки развој. ФИТР ќе замре односно ќе се спои со Агенцијата за поддршка на претприемаштвото. Анализираме зошто се прави реорганизацијата на државните органи и каква ќе биде поддршката за стартапите во иднина.
Реорганизацијата на државната извршна власт во извесна мера ветува фокус на дигитализацијата и вештачката интелигенција, но останува отворено прашањето колку брзо ќе се придвижат работите и дали Македонија ќе успее да фати чекор со регионалните лидери на ова поле.
Прочитајте повеќе:
Зошто светските музички ѕвезди се враќаат во Македонија?
Фудбалска бизнис лига – можност и за забава и за заработка
Сите знаеме кој е најпопуларниот спорт – фудбалот е недопирлив, но останува енигма кој е втор по важност. Прочитајте го нашето регионално истражување за спортот што се сака веднаш по фудбалот.
Спортска вест на неделата е дека големиот Лука Модриќ почна да повлекува потези што сугерираат со што ќе се занимава откако ќе ги закачи копачките. Далас Маверикс не престануваат да губат по заминувањето на еден друг Лука, но овој пат Дончиќ.
.webp){kind=icon}
