На некој вработен во земјава во јули му била исплатена нето-плата во висина од близу 20 милиони денари или над 320.000 евра. Другите двајца најплатени во јули заработиле 217.000 евра и 170.000 евра. Не знам дали вакви суми се исплатуваат секој месец, но во секој случај одвај чекам државната статистика да објави колку изнесувала просечната нето-плата во земјава за јули. Топ трите плати во Македонија го објаснуваат и забрзаниот раст на просечната плата, ама отвораат и едно многу важно прашање – дали рамниот данок е паметно решение.
Недела дознавме и дека над 70.000 луѓе имаат вишок имоти и заработуваат од нивното издавање. Сето тоа во време кога НБРМ бара начин како младите брачни парови да дојдат до покрив над главата во услови на рекордни цени на становите. Тие што имаат повеќе, штедат и за сопствените деца - анализиравме во што.
Од вестите за раст, неделава бележиме уште и дека БДП во вториот квартал порасна за 3,4 отсто, извозот расте повеќе од увозот, пензијата за овој месец е поголема за 1.000 денари, а дупката во Фондот за пензиско в година ќе се зголеми за 211 милиони евра.
Прочитајте повеќе:
Нова опсесија на македонските туристи: Зошто масовно патуваат во Исланд?
Далеку на исток, во Кина, се одржа воена парада. Земјата демонстрираше не само воена туку и политичка моќ. На едно место се собраа лидерите на Кина, Русија, Северна Кореја и Иран.
Претходно, за време на регионалниот самит ШОС, индискиот премиер Нарендра Моди го прегрна рускиот претседател Владимир Путин, нагласувајќи ги нивните блиски врски и покрај критиките од Вашингтон кон Њу Делхи за купувањето нафта. Оттаму стигна и веста за изградбата на нов гасовод меѓу Русија и Кина, која му зададе удар на извозниот план на Трамп. Паралелно, американскиот претседател го обвини кинескиот претседател за заговор против САД.
Царинските политики на Трамп остануваат топ тема на глобално ниво. Пред неколку месеци беа воведени како средство за заштита на домашната индустрија, но сега почнуваат да создаваат проблеми и за американските компании. Откако судот ги прогласи царините за незаконски, се поставува прашањето дали „Денот на ослободувањето“ ќе стане најголемото фијаско на Трамп.
Прочитајте повеќе:
По извршниот директор на „Астрономер“, кој се гушкаше со директорката на човечки ресурси на концерт на „Колдплеј“, уште еден менаџер остана без позицијата по откривањето на љубовната афера на работното место. Станува збор за извршниот директор на „Нестле“.
Спортот останува во фокусот. УС опен во својата завршница носи тенис на највисоко можно ниво, а тој сè повеќе добива облик на дуел на гиганти. Вниманието на спортската јавност е насочено и кон Евробаскетот, а ние објаснуваме како функционира системот на осигурување на НБА-играчите. Зад нас е преодниот рок во најголемите фудбалски лиги, кој донесе неверојатна доминација на Англичаните. Гледаме и пет години напред и го истакнуваме специфичниот карактер на мароканската организација на Мундијалот.
.webp){kind=icon}
