Мексико и Европската Унија го послушаа Трамп. Мексиканската влада планира да ги зголеми царините за Кина како дел од буџетскиот предлог за 2026 година, кој ќе биде претставен следниот месец. Со ова исполнува две цели – првата е да ги заштити домашните компании од евтин увоз, а втората е да го исполни барањето на американскиот претседател Доналд Трамп.
И Европската Унија соопшти дека постапила по барањето на претседателот Доналд Трамп и усвоила нацрт-регулативи за укинување на сите царини за американски индустриски производи, како и за давање преференцијален третман на одредени американски земјоделски и морски производи.
Прочитај повеќе:
Инфлација во Македонија: Осум града, осум производи, осум брзини на цените
Инфлацијата одново ја врати платата како клучен фактор при вработување
Се купуваат станови, не канцеларии: Исчезна ли во Македонија интересот за деловен простор?
Путин сѐ уште не го послушал Трамп. И покрај напорите на американската администрација да ѝ се стави крај на војната во Украина, неделава Русија го изврши вториот најголем воздушен напад врз земјата. Во нападот врз Киев загинаа дваесетина луѓе, меѓу нив и деца. Германскиот канцелар Фирдрих Мерц изјави дека и покрај посредништвото на Трамп, средба меѓу Путин и Зеленски нема да има.
Но затоа викендов се најавува средба меѓу Путин, Шји и Моди. Рускиот, кинескиот и индискиот лидер ќе разговараат за енергетиката. Аналитичарите се иронични и велат дека зближувањето, особено на Шји и Моди, е заслуга на Трамп, кој во овој случај се покажа како голем миротворец. Самитот на Шангајската организација за соработка, кој започнува в недела во пристанишниот град Тјанџин, доаѓа неколку дена откако Трамп воведе царини од 50 отсто за Индија затоа што земјата купува руска нафта.
И додека претседателката на Европската комисија, Урсула фон дер Лајен, го „брани“ трговскиот договор на блокот со САД, нагласувајќи дека тој носи стабилност и спречува ескалација на тензиите со клучен сојузник, иако е несовршен, Трамп се закани дека ќе воведе „значителни“ царини за земјите што применуваат дигитални даноци. Заканата дојде откако тој се сретнал со првиот човек на „Мета“, Марк Закерберг. Европската Унија засега остро реагира на тврдењата дека нејзините дигитални регулативи се неправедни.
По неколкукратното одложување на воведувањето на системот за влез и излез на ЕУ – ЕЕС (Entry/Exit System - EES), Европската Унија има намера во октомври конечно да го лансира својот нов дигитален систем за контрола на границите. Анализиравме што ќе значи тоа за нас.
Прочитајте повеќе:
Од подрум до глобален пазар: Македонски бизнис-ангели што го менуваат пејзажот
Нова регулатива: Владата воведува даночни олеснувања за бизнис-ангелите
Го анализиравме и нашиот пазар на капитал. Бележиме уште еден обид на Загреб да стане регионален берзански лидер. Засегната е и Македонската берза, затоа што берзата од Загреб поседува 30 отсто од нејзиниот капитал.
Пишувавме за неуспешниот обид за ИПО на македонскиот пазар. Немаше интерес за акциите на македонската стриминг-платформа „Глеј“, што е резултат на слабата финансиска едукација на домашните берзански играчи. Ви ги откривме и скриените дијаманти на Македонската берза.
Глобално, берзанските играчи беа нервозни во очекување на резултатите на „Енвидија“. Компанијата објави одлични резултати, но прогнозите разочараа. Додека спласнува ентузијазмот за „Енвидија“, во Кина се раѓа нејзиниот ривал, дизајнерот на ВИ-чипови „Камбрикон технолоџис“, кој бележи силен раст.
Пишувавме и за новото изопачено лице на ЕСГ затоа што расте вложувањето во смрт и кршењето на човековите права.
Неделава почнаа натпреварите на Евробаскетот – ќе ги гледаме најплатените играчи на светот и ќе се сеќаваме на она „леле, луѓе, што направивме“ кога Македонија се пласира во полуфиналето на Евробаскетот во 2011 година и го освои четвртото место.
.webp){kind=icon}
Во моментов нема коментари за веста. Биди прв да коментира...