Неделата помина во исчекување на најважната средба на светот. Путин и Трамп се сретнаа синоќа во Алјаска. Од најавата на средбата, на која и територијата на Украина беше ставена на маса, реакциите не престанаа. Најпрво реагираше украинскиот претседател Зеленски, кој рече дека нема да даде ни педа земја. Потоа се вознемирија лидерите на ЕУ, за кои најавата на средбата дојде како студен туш и бараа да се видат со Трамп пред тој да замине за Алјаска.
Царините се дежурна тема. Трамп го продолжи трговското примирје со Кина за нови три месеци, а Кина им препорача на компаниите да не купуваат чипови од „Енвидија“. Белата куќа ја исправи забуната и го ослободи и увозот на злато од тарифи, што овозможи пазарите да се стабилизираат.
Финансирање од народот: Зошто краудфандингот е шанса за Македонија
Лето во Хрватска: Колку заработуваат Македонците таму
Сепак, тоа не беше доволно и металот ја заврши неделата со пад. Причина за падот се податоците за инфлацијата во САД. Цените таму растат најбрзо во последните три години. Страв од повисока инфлација има и во Велика Британија поради турнејата за враќање на „Оејзис“. На инфлацијата влијаат и климатските промени, бургерите стануваат луксуз.
Инфлацијата забрзува и кај нас, а за да се смири состојбата, експертите препорачуваат фискална дисциплина. Владата пак најавува ново задолжување од над милијарда евра, главно на странските пазари. Само 70 милиони од нив ќе бидат од македонските банки. Тие, пак, во најновата анкета за кредитната активност на Народната банка велат дека очекуваат засилено нето-олеснување на кредитните услови и зголемена побарувачка за кредити од домаќинствата.
Се коцкаме со водата: Скопје троши неконтролирано, загубите ќе чинат многу
Европа останува без камионџии: Македонија на удар од транспортната криза
Цените на недвижностите остануваат во фокусот. Владата допрва ќе анализира дали по Нова година ќе продолжи да важи мерката за ДДВ за становите од 5 отсто или ќе се покачи на 18 отсто, што дополнително ќе ги зголеми цените. А што се однесува до цените, сѐ погласни се коментарите дека се нереални, и УЈП неделава најави контроли во секторот што се смета дека е ризичен од аспект на фискалната дисциплина.
Пишувавме и дека финансиска агенција (Фина), државна институција во Хрватска, ја започна постапката за преземање на Загрепската берза, која поседува 29,98 проценти од акциите во Македонската берза и е убедливо најголем поединечен сопственик. Го објавивме рангирањето на „ФДИ Интелиџенс“, истражувачки оддел на „Фајненшл трајмс“, според кое Македонија е прогласена за шеста во светот по привлекување гринфилд-инвестиции.
„Тему“ во Македонија: 250 тони за еден месец, небезбедни производи и нелојална конкуренција
Македонија „полуде“ по производи од Кина: Уриваме рекорди во увозот
Швајцарија се враќа на нуклеарната енергија менувајќи ја политиката од 2018 година. Владата предложи нацрт-закон со кој ѝ се става крај на забраната за изградба на нови нуклеарни централи.
Пишувавме и за ВИ-стартапот „Перплексити“ (Perplexity), кој поднел формална понуда за купување на прелистувачот Хром (Chrome) на „Гугл“ (Google) во вредност од 34,5 милијарди долари, дрзок потег на кој би бил подготвен ако во рамките на антимонополска постапка во САД му биде наложено на „Гугл“ да го продаде.
.webp){kind=icon}
Во моментов нема коментари за веста. Биди прв да коментира...