Камионџиите од Западен Балкан ги блокираа граничните премини кон земјите од Европската Унија. Причина за блокадите се новите правила за влез и излез во шенген-земјите поради кои некои возачи беа и апсени. По четири дена блокирани премини и терминали, ЕУ се обврза да најде начин камионџиите да не бидат третирани како туристи. Штетите од блокадите се проценуваат на над 90 милиони евра дневно.
Блокади најавува и Сојузот на синдикатите на Македонија откако неделава организираше протест за зголемување на минималната плата на 600 евра и линеарен раст на сите плати за 100 евра.
Блокада имаше и во доставувањето ДДВ-пријави. Сметководителите и овој пат се мачеа со стариот е-систем на УЈП.
Прочитајте повеќе:
Топ 10 компании од регионот на кои треба да се внимава во 2026 година
Погледнете околу себе: меури има насекаде!
Неделава помина во знакот на финансиските извештаи. „Стопанска банка“ АД Скопје лани оствари добивка од 54,1 милиони евра, а „Комерцијална банка“ од 82,5 милиони евра и предложи дивиденда од 1.350 денари за 2025 година.
Глобално, „Епл“ објави рекордна квартална продажба, но предупреди на растечки трошоци за компоненти, акцијата на „Мајкрософт“ падна по објавата на резултатите, „Тесла“ испраќа мешани сигнали, а објави и дека го гаси производството на два модела на автомобили, ќе прави роботи, а може и да се спои со „Спејс екс“. „Лукоил“ објави дека преговара за продажба на најголем дел од странските средства на американскиот гигант „Карлајл“. „Амазон“ најави масовни отпуштања.
Прочитајте повеќе:
Македонската берза го допре дното: Јануарски мечкин пазар или тренд за цела 2026 година?
Аеродромите во Македонија и во регионот „одлетаа“ до рекорди
Анализиравме дали 2026 година е година на value акции и каде се наоѓаат европските берзи-ѕвезди шест месеци подоцна. Проверивме и зошто апетитот за ризик на инвеститорите урива рекорди.
Биткоинот се наоѓа пред најдолга месечна низа на загуби од 2018 година. Златото и доларот играа топло-ладно. На почетокот на неделата металот надмина рекордни 5.200 долари, што беше поттикнато од отпуштениот став на Трамп за падот на доларот. Високата цена доведе до златна треска и во земјава, Македонците се запишуваат на списоци за чекање за златни плочки и монети. До крајот на неделата златото и среброто паѓаа, доларот растеше по објавата на името на идниот гувернер на Фед.
Прочитајте повеќе:
Супербоул: Билетите меѓу најскапите досега
Лука Дончиќ прави платформа за фановите - како ќе заработува пари од неа?
Американските власти водат истрага за наводи од поранешни соработници на „Мета“ дека персоналот на компанијата можел да има неограничен пристап до ватсап-пораки, Х на Маск е под истрага во ЕУ поради објава на нелегална порнографска содржина.
Анализиравме зошто лидерите се борат за влез во ексклузивниот клуб на Трамп, додека тој продолжи да се заканува со царини, а ЕУ и Индија склучија трговски пакт како одговор на неговите закани.
.webp){kind=icon}
